ياقصة الحب النبيل جوه الفوءاد متمهلة

يا صيدلة / د منتصر الجلولي


ياقصة الحب النبيل جوه الفوءاد متمهلة
يابقعة العلم الرفيع الكل بيحلم يوصلا
يالوحة الشرف العظيم مكتوبة اصلا في العلا
يا غاية في كل النفوس مغروسة بعد البسملة
أنا في هواك مكتول عديل من قبل ما ابدا الصلاة
لو داير أقول عنك قليل للعامة في أعظم ملا
مابتكفي أطنان من ورق بعض الشمائل تحملا
يكفينا بس مهرك عزيز أغلى المهور تستاهلها

يازول أقيف لمن تمر أدي التحية لصيدلة
لولاها ماكان الطبيب يقدر يداوي المعضلة
لولا العقار في أي حال دا أكيد تزيد المشكلة
وريني بس يعمل شنو لولا علوم الصيدلة
داير أقول للناس كلام و اضرب كمان الأمثلة
لو كنتو دايرين العلم تلقو العلم في صيدلة
او حتى دايرين الفلوس برضو الفلوس في صيدلة
او كنتو قاصدين الجمال كل الجمال في الصيدلة

ناس صيدلة في كل يوم يصبح جديد زايدين حلا
ناس صيدلة في كل يوم يصبح جديد زايدين غلا
ناس صيدلة خالقين وئام بين الدفع من اولها
لو جاي من اقصى الجنوب او حتى قول من دنقلا
لا بنفترق لا بنختلف لا كلمة فيها بنقبلا

بالله كيفن نكون لو ماقرينا الصيدلة
كان الحزن عم الجميع و الانهزام والبهدلة
لا قدرنا نفرح بالعلم ولا قدرنا ننسى البتلا
لو خيرونا الموت عديل او نقرا غير الصيدلة
اخترنا موتنا بدون جدال و أظنوا واضحة المسألة

بالله يا اهل العلم دعوة حضور مستعجلة
مفتوحة للجار والبعيد حتى الغريب لو بقبلها
شان نمشي باحترام تعظيم سلام للصيدلة